ഷെയ്ഖ് അഹമ്മദ് ബിൻ റാഷിദ് അൽ മക്തൂമിന്റെ നിര്യാണത്തെ തുടർന്ന് ദുബായിയിൽ പത്തുദിവസത്തെ ദുഃഖാചരണം

യു എ ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ സഹോദരൻ ഷെയ്ഖ് അഹമ്മദ് ബിൻ റാഷിദ് അൽ മക്തൂമിന്റെ നിര്യാണത്തെ തുടർന്ന് ദുബായിയിൽ പത്തുദിവസത്തെ ദുഃഖാചരണം പ്രഖ്യാപിച്ചു.

എമിറേറ്റിൽ ഉടനീളം ദേശീയ പതാക പകുതി താഴ്ത്തികെട്ടും. സഹോദരന്റെ നിര്യാണത്തിൽ അനുശോചനം അറിയിച്ചു കൊണ്ട് ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം സോഷ്യൽ മീഡിയയിൽ സന്ദേശം പോസ്റ്റ് ചെയ്തു. ഞങ്ങളുടെ ഹൃദയത്തിലും പ്രാർത്ഥനകളിലും അങ്ങയുടെ സാന്നിധ്യം എപ്പോഴുമുണ്ടാകുമെന്ന് സന്ദേശത്തിൽ പറയുന്നു.