ഇറാനിൽ നിന്ന് തൊടുത്തുവിട്ട ബാലിസ്റ്റിക് മിസൈലുകളുടെ ആക്രമണം യുഎഇ വ്യോമ പ്രതിരോധ സേന തടഞ്ഞതായി യുഎഇ പ്രതിരോധ മന്ത്രാലയം അറിയിച്ചു.
രാജ്യം സംരക്ഷിക്കുന്നതിനും പൗരന്മാരുടെയും താമസക്കാരുടെയും സുരക്ഷ ഉറപ്പാക്കുന്നതിനുമുള്ള എല്ലാ ഭീഷണികളെയും നേരിടാൻ സായുധ സേന പൂർണ്ണമായും സജ്ജമാണെന്ന് മന്ത്രാലയം സ്ഥിരീകരിച്ചു.
സുരക്ഷിതമായ സ്ഥലത്ത് തന്നെ തുടരാനും മുന്നറിയിപ്പുകൾക്കും അപ്ഡേറ്റുകൾക്കുമായി ഔദ്യോഗിക ചാനലുകൾ പിന്തുടരാനും അധികാരികൾ ജനങ്ങളോട് നിർദ്ദേശിച്ചു.
മഴയ്ക്ക് സാധ്യതയുണ്ടെന്ന് യു എ ഇ കാലാവസ്ഥാകേന്ദ്രം
രാജ്യത്ത് വരും ദിവസങ്ങളിൽ അസ്ഥിരമായ കാലാവസ്ഥയായിരിക്കുമെന്നും, ഇടയ്ക്കിടെ മഴ പെയ്യാൻ സാധ്യതയുണ്ടെന്നും യുഎഇ ദേശീയ കാലാവസ്ഥാ കേന്ദ്രം പ്രവചിച്ചു.
ട്രെക്ക് നിയന്ത്രണങ്ങൾക്ക് ഇളവ്
ലോജിസ്റ്റിക് മേഖലയെ പിന്തുണയ്ക്കുന്നതിനായി മാർച്ച് 4 ബുധനാഴ്ച വൈകുന്നേരം വരെ ദുബായിലെ എല്ലാ റോഡുകളിലും 24 മണിക്കൂറും ട്രക്കുകൾ ഓടിക്കാൻ അനുമതിയുണ്ടെന്ന് റോഡ്സ് ആൻഡ് ട്രാൻസ്പോർട്ട് അതോറിറ്റിയും (ആർടിഎ) ദുബായ് പോലീസും അറിയിച്ചു.
ബ്ലൂംബെർഗിന്റെ തെറ്റായ റിപ്പോർട്ടുകളെ യുഎഇ വിദേശകാര്യ മന്ത്രാലയം തള്ളി
രാജ്യത്തിന്റെ പ്രതിരോധ ശേഷികളെക്കുറിച്ചുള്ള ബ്ലൂംബെർഗിന്റെ തെറ്റായതും തെറ്റിദ്ധരിപ്പിക്കുന്നതുമായ റിപ്പോർട്ടുകളെ യുഎഇ വിദേശകാര്യ മന്ത്രാലയം തള്ളിക്കളഞ്ഞു.
പരിമിതമായ അളവിൽ വിമാനസർവീസുകൾ ആരംഭിക്കുമെന്ന് ഡയറക്ട്രേറ്റ് ജനറൽ ഓഫ് സിവിൽ ഏവിയേഷൻ
പരിമിതമായ അളവിൽ വിമാനസർവീസുകൾ ആരംഭിക്കുമെന്ന് UAE ഡയറക്ട്രേറ്റ് ജനറൽ ഓഫ് സിവിൽ ഏവിയേഷൻ. ദുബായ് ഇന്റർനാഷണൽ എയർപോർട്ട് (DXB), ദുബായ് വേൾഡ് സെൻട്രൽ - അൽ മക്തൂം ഇന്റർനാഷണൽ എയർപോർട്ട് (DWC) എന്നിവിടങ്ങളിൽ നിന്നുള്ള പ്രവർത്തനങ്ങൾ തിങ്കളാഴ്ച വൈകുന്നേരം മുതൽ പരിമിതമായി പുനരാരംഭിക്കുമെന്ന് ദുബായ് എയർപോർട്ട്സ് പ്രഖ്യാപിച്ചു.
