ഔദ്യോഗിക അധികാരം ദുരുപയോഗം ചെയ്തവർക്കെതിരെ നടപടി

ദേശീയ, റിസർവ് സർവീസിൽ നിന്ന് നിയമവിരുദ്ധമായി ഇളവുകൾ നേടിയെടുത്തുവെന്നാരോപിച്ച് നിരവധി പ്രതികളെ സൈനിക ക്രിമിനൽ കോടതിയിലേക്ക് റഫർ ചെയ്യാൻ യുഎഇ മിലിട്ടറി അറ്റോർണി ജനറൽ ഉത്തരവിട്ടു

ഔദ്യോഗിക അധികാരം ദുരുപയോഗം ചെയ്ത് ദേശീയ, റിസർവ് സർവീസിൽ നിന്ന് നിയമവിരുദ്ധമായി ഇളവുകൾ നേടിയെടുത്തുവെന്നാരോപിച്ച് നിരവധി പ്രതികളെ സൈനിക ക്രിമിനൽ കോടതിയിലേക്ക് റഫർ ചെയ്യാൻ യുഎഇ മിലിട്ടറി അറ്റോർണി ജനറൽ ഉത്തരവിട്ടു. ചില നിർബന്ധിത സൈനികരെ സ്ഥാപിത ദേശീയ സേവന നടപടിക്രമങ്ങൾ മറികടക്കാൻ സഹായിക്കുന്നതിന് ഔദ്യോഗിക രേഖകൾ,  മെഡിക്കൽ റിപ്പോർട്ടുകൾ എന്നിവയിൽ കൃത്രിമം കാണിച്ചതായി അന്വേഷണത്തിൽ കണ്ടെത്തിയതായി മിലിട്ടറി പ്രോസിക്യൂഷൻ പറയുന്നു.
കുറ്റാരോപിതരായവരിൽ സർക്കാർ ഉദ്യോഗസ്ഥരും നിർബന്ധിത സൈനികരും ഉൾപ്പെടുന്നു.

ദേശീയ സേവനം പൗരന്റെ കടമയും ഉത്തരവാദിത്തവുമാണെന്ന് മിലിട്ടറി അറ്റോർണി ജനറൽ ഊന്നിപ്പറഞ്ഞു.  അതിന്റെ സമഗ്രത സംരക്ഷിക്കേണ്ടതിന്റെ പ്രാധാന്യം ഊന്നിപ്പറഞ്ഞു.
ദേശീയ സേവനത്തിൽ നിന്ന് ഒഴിഞ്ഞുമാറുകയോ അത്തരം പ്രവർത്തനങ്ങൾ സുഗമമാക്കുന്നതിന് അവരുടെ സ്ഥാനം ദുരുപയോഗം ചെയ്യുകയോ ചെയ്തതായി കണ്ടെത്തുന്ന ഏതൊരാളും നിയമപ്രകാരം സൈനിക ജുഡീഷ്യറിയുടെ നടപടികൾ നേരിടേണ്ടിവരുമെന്നും അദ്ദേഹം മുന്നറിയിപ്പ് നൽകി.