UAE from Sunday, March 15th, 2026

ഇറാനിൽ നിന്ന് ഇന്ന് (ഞായറാഴ്ച) വിക്ഷേപിച്ച നാല് ബാലിസ്റ്റിക് മിസൈലുകളും ആറ് ഡ്രോണുകളും തങ്ങളുടെ വ്യോമ പ്രതിരോധ സംവിധാനങ്ങൾ തടഞ്ഞതായി യുണൈറ്റഡ് അറബ് എമിറേറ്റ്സ് അറിയിച്ചു.

2026 കുടുംബ വർഷമായി ആചരിക്കുന്നതിന്റെ ഭാഗമായി യുഎഇയിലെ താമസക്കാരായ കുടുംബങ്ങൾക്ക് സൗജന്യ ഫസ ഡിസ്‌കൗണ്ട് സംരംഭം കുടുംബ മന്ത്രാലയം ആരംഭിച്ചു.

ശനിയാഴ്ച ഫുജൈറ ഓയിൽ ഇൻഡസ്ട്രി സോണിൽ (FOIZ) ഇന്റർസെപ്ഷന്റെ ഫലമായി  അവശിഷ്ടങ്ങൾ വീണുണ്ടായ തീപിടുത്തത്തിൽ ഒരാൾക്ക് പരിക്കേറ്റതായി അധികൃതർ സ്ഥിരീകരിച്ചു.

ദേശീയ പ്രതിരോധ നടപടികളെ ദോഷകരമായി ബാധിക്കുകയും യുഎഇയ്‌ക്കെതിരായ സൈനിക ആക്രമണങ്ങളെ മഹത്വവൽക്കരിക്കുകയും ചെയ്യുന്ന തെറ്റിദ്ധരിപ്പിക്കുന്ന ഉള്ളടക്കം ഓൺലൈനിൽ പ്രസിദ്ധീകരിച്ചതിന് വിവിധ രാജ്യക്കാരായ 25 പേരെ കൂടി അറസ്റ്റ് ചെയ്യാൻ അറ്റോർണി ജനറൽ ഡോ. ഹമദ് സെയ്ഫ് അൽ ഷംസി ഉത്തരവിട്ടു. പ്രതികളെ ഉടൻ വിചാരണയ്ക്കായി റഫർ ചെയ്തിട്ടുണ്ട്.  

ഇറാനിൽ നിന്നുള്ള മിസൈൽ ഭീഷണികളോട് വ്യോമ പ്രതിരോധ സംവിധാനങ്ങൾ പ്രതികരിക്കുന്നുണ്ടെന്ന് യു എ ഇ നാഷണൽ എമർജൻസി ക്രൈസിസ് ആൻഡ് ഡിസാസ്റ്റർ മാനേജ്‌മെന്റ് അതോറിറ്റി (എൻ‌സി‌ഇ‌എം‌എ) ഞായറാഴ്ച പുലർച്ചെ പ്രഖ്യാപിച്ചു.

മിഡിൽ ഈസ്റ്റ് രാജ്യങ്ങളിലെ യുദ്ധ സാഹചര്യത്തിൽ  പന്ത്രണ്ടാം ക്‌ളാസ് പരീക്ഷകൾ റദ്ദാക്കിയതായി സി ബി എസ് ഇ പത്രക്കുറിപ്പിൽ അറിയിച്ചു.