മിഡിൽ ഈസ്റ്റ് രാജ്യങ്ങളിലെ യുദ്ധ സാഹചര്യത്തിൽ പന്ത്രണ്ടാം ക്ളാസ് പരീക്ഷകൾ റദ്ദാക്കിയതായി സി ബി എസ് ഇ പത്രക്കുറിപ്പിൽ അറിയിച്ചു.
മാർച്ച് 16 മുതൽ ഏപ്രിൽ 10 വരെയുള്ള എല്ലാ പരീക്ഷകളും റദ്ദാക്കിയതായും നേരത്തെ മാറ്റി വച്ച മാർച്ച് മാസം നടക്കേണ്ടിയിരുന്ന പരീക്ഷകളും റദ്ദാക്കപ്പെട്ടതായും അറിയിച്ചിട്ടുണ്ട്. ഈ രാജ്യങ്ങളിലെ പന്ത്രണ്ടാം ക്ലാസ് വിദ്യാർത്ഥികളുടെ ഫലപ്രഖ്യാനം ഏതു വിധത്തിലായിരിക്കുമെന്ന് ഉടൻ അറിയിക്കുമെന്നും ബോർഡ് പറഞ്ഞു.
അബുദാബിയിലെ സുപ്രധാന ഊർജ്ജ, ജല കേന്ദ്രങ്ങളിലും പദ്ധതികളിലും അബുദാബി ഊർജ്ജവകുപ്പ് ചെയർമാൻ പരിശോധന നടത്തി
അബുദാബിയിലെ സുപ്രധാന ഊർജ്ജ, ജല കേന്ദ്രങ്ങളിലും പദ്ധതികളിലും അബുദാബി ഊർജ്ജ വകുപ്പിന്റെ ചെയർമാനും അബുദാബി നാഷണൽ എനർജി കമ്പനിയുടെ (TAQA) ബോർഡ് അംഗവുമായ ഡോ. അബ്ദുള്ള ഹുമൈദ് അൽ ജർവാൻ ഫീൽഡ് സന്ദർശനം നടത്തി.
ഹോർമുസ് കടലിടുക്ക് അടച്ചുപൂട്ടലിനെ യുഎഇ ഉൾപ്പടെ 21 രാജ്യങ്ങൾ അപലപിച്ചു
ഗൾഫിലെ വാണിജ്യ കപ്പലുകൾക്കും സിവിലിയൻ അടിസ്ഥാന സൗകര്യങ്ങൾക്കും നേരെയുള്ള ഇറാന്റെ സമീപകാല ആക്രമണങ്ങളെയും ഹോർമുസ് കടലിടുക്ക് അടച്ചുപൂട്ടലിനെയും യുഎഇ ഉൾപ്പടെ 21 രാജ്യങ്ങൾ അപലപിച്ചു.
ട്രക്ക് മൂവ്മെന്റ് പെർമിറ്റ് നീട്ടി
ദുബായിലെ എല്ലാ റോഡുകളിലും 24 മണിക്കൂറും ട്രക്കുകൾ സർവീസ് നടത്തുന്നതിന് അനുമതി തുടരുമെന്ന് റോഡ്സ് ആൻഡ് ട്രാൻസ്പോർട്ട് അതോറിറ്റിയും (ആർടിഎ) ദുബായ് പോലീസും അറിയിച്ചു.
ശനിയാഴ്ച തടഞ്ഞത് 3 ബാലിസ്റ്റിക് മിസൈലുകളും 8 ഡ്രോണുകളും
ശനിയാഴ്ച ഇറാനിൽ നിന്ന് വിക്ഷേപിച്ച 3 ബാലിസ്റ്റിക് മിസൈലുകളും 8 ഡ്രോണുകളും യുഎഇ വ്യോമ പ്രതിരോധ സേന തടഞ്ഞതായി പ്രതിരോധ മന്ത്രാലയം സ്ഥിരീകരിച്ചു.
