ഷാർജയിൽ ഇരുപത്തിയഞ്ച് ജഡ്ജിമാർ സത്യപ്രതിജ്ഞ ചെയ്തു

നീതിയും നിയമവാഴ്ചയും ഉയർത്തിപ്പിടിച്ചു  തങ്ങളുടെ ചുമതലകൾ നിർവഹിക്കാൻ ജഡ്ജിമാർക്കും നിയമോപദേഷ്ടാക്കൾക്കും   സാധിക്കട്ടെ എന്ന്  ഷാർജയുടെ ഉപഭരണാധികാരി  ആശംസിച്ചു

ഷാർജയുടെ ഉപഭരണാധികാരിയായ ഷെയ്ഖ് സുൽത്താൻ ബിൻ അഹമ്മദ് ബിൻ സുൽത്താൻ അൽ ഖാസിമിയുടെ മുൻപാകെ 'കോർട്ട് ഓഫ് കാസേഷൻലെ ആറ് ജഡ്ജിമാരും 19 മുതിർന്ന അപ്പീൽ ജഡ്ജിമാരും സത്യപ്രതിജ്ഞ ചെയ്തു. ഒരു അഡ്വക്കേറ്റ് ജനറലും അഞ്ച് അസിസ്റ്റന്റ് ചീഫ് പ്രോസിക്യൂട്ടർമാരും ഈ സത്യപ്രതിജ്ഞാ ചടങ്ങിൽ ഉൾപ്പെടുന്നു. നീതിയും നിയമവാഴ്ചയും ഉയർത്തിപ്പിടിച്ചു  തങ്ങളുടെ ചുമതലകൾ നിർവഹിക്കാൻ ജഡ്ജിമാർക്കും നിയമോപദേഷ്ടാക്കൾക്കും   സാധിക്കട്ടെ എന്ന്  ഷാർജയുടെ ഉപഭരണാധികാരി  ആശംസിച്ചു.
. 
പൊതു-സ്വകാര്യ അവകാശങ്ങൾ സംരക്ഷിക്കുന്നതിലും നീതിയുടെയും സത്യസന്ധതയുടെയും തത്വങ്ങൾ ഉയർത്തിപ്പിടിക്കുന്നതിലും സാമൂഹിക സ്ഥിരത ശക്തിപ്പെടുത്തുന്നതിലും  ജഡ്ജിമാർ നൽകുന്ന  സംഭാവനകളെ ഷാർജ  ഉപഭരണാധികാരി  എടുത്തുപറഞ്ഞു. പൂർണ്ണ സത്യസന്ധതയോടെ തങ്ങളുടെ ചുമതലകൾ നിർവഹിക്കുമെന്ന് സത്യപ്രതിജ്ഞ ചെയ്ത ജഡ്ജിമാർ  ഉറപ്പുനൽകി.