യുഎസ്-ഇറാൻ കരാർ; നയതന്ത്രത്തിന് ഊന്നൽ നൽകി യുഎഇ

യുദ്ധം അവസാനിപ്പിക്കുന്നതിനുള്ള പ്രാഥമിക കരാർ പൂർണ്ണമായി നടപ്പിലാക്കണമെന്ന്  യു എ ഇ വിദേശകാര്യ മന്ത്രാലയം

യുഎസ്-ഇറാൻ  യുദ്ധം അവസാനിപ്പിക്കാൻ  ധാരണയിലെത്തിയതോടെ നയതന്ത്രത്തിന്  ഊന്നൽ നൽകി യുഎഇ . നയതന്ത്ര കാര്യങ്ങളിൽ അന്താരാഷ്ട്ര നിയമം പാലിക്കുന്നതിന്റെ  പ്രാധാന്യം യുഎഇ ആവർത്തിച്ചു.യുദ്ധം അവസാനിപ്പിക്കുന്നതിനുള്ള പ്രാഥമിക കരാർ പൂർണ്ണമായി നടപ്പിലാക്കണമെന്ന് 
യു എ ഇ വിദേശകാര്യ മന്ത്രാലയം  ആവശ്യപ്പെട്ടു.  കരാറിൽ ഹോർമുസ് കടലിടുക്കിലൂടെയുള്ള ഗതാഗതം  ഉറപ്പാക്കണമെന്നും യു എ ഇ അഭിപ്രായപ്പെട്ടു. കരാറിൽ എത്താൻ യുഎസ് പ്രസിഡന്റ് ഡൊണാൾഡ് ട്രമ്പ് നടത്തിയ  ശ്രമങ്ങളെ മന്ത്രാലയം പ്രശംസിച്ചു.

കൂടാതെ, മേഖലയിലെ  സുരക്ഷയും സ്ഥിരതയും ശക്തിപ്പെടുത്തുന്നതിനും ജനങ്ങളുടെ താൽപ്പര്യങ്ങൾ സംരക്ഷിക്കുന്നതിനും കൂടുതൽ  അവസരങ്ങൾ വർദ്ധിപ്പിക്കുന്നതിനുമുള്ള  എല്ലാ ശ്രമങ്ങൾക്കും യുഎഇ  പിന്തുണ അറിയിച്ചു.