അദ്ദേഹത്തിന്റെ പ്രസംഗം ഇന്ന് പ്രാദേശിക ടിവിയിലും റേഡിയോയിലും വൈകിട്ട് 6 മണിക്ക് സംപ്രേക്ഷണം ചെയ്യും.
യു എ ഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഇന്ന് രാജ്യത്തെ അഭിസംബോധന ചെയ്യും.വരും ദശകങ്ങളിലെ യുഎഇയുടെ തന്ത്രപരമായ സമീപനവും അഭിലാഷങ്ങളും രൂപപ്പെടുത്തുന്നതിനു വേണ്ടിയാണു പ്രസിഡന്റ് പൗരന്മാരെയും നിവാസികളെയും അഭിസംബോധന ചെയ്യുന്നത്. അദ്ദേഹത്തിന്റെ പ്രസംഗം ഇന്ന് പ്രാദേശിക ടിവിയിലും റേഡിയോയിലും വൈകിട്ട് 6 മണിക്ക് സംപ്രേക്ഷണം ചെയ്യും.
യുഎഇയിലെ ഉന്നത വിദ്യാഭ്യാസ സ്ഥാപനങ്ങൾ ഘട്ടം ഘട്ടമായി ക്യാമ്പസ് പഠനത്തിലേക്ക്
യുഎഇയിലെ ഉന്നത വിദ്യാഭ്യാസ സ്ഥാപനങ്ങൾ തിങ്കളാഴ്ച മുതൽ ക്യാമ്പസ് പഠനത്തിലേക്ക് ഘട്ടം ഘട്ടമായി മടങ്ങിവരുമെന്ന് ഉന്നത വിദ്യാഭ്യാസ, ശാസ്ത്ര ഗവേഷണ മന്ത്രാലയം.
സിവിലിയൻ അടിസ്ഥാന സൗകര്യങ്ങൾക്കെതിരായ ഇറാൻ ആക്രമണങ്ങളെ ഷെയ്ഖ് അബ്ദുല്ല ബിൻ സായിദ് അൽ നഹ്യാൻ അപലപിച്ചു
സ്കൂളുകൾ, ആശുപത്രികൾ, സർവകലാശാലകൾ, ഡീസലൈനേഷൻ പ്ലാന്റുകൾ, ഊർജ്ജ സൗകര്യങ്ങൾ, ഗതാഗത കേന്ദ്രങ്ങൾ, റെസിഡൻഷ്യൽ ഏരിയകൾ എന്നിവയുൾപ്പെടെ മേഖലയിലെ സിവിലിയൻ അടിസ്ഥാന സൗകര്യങ്ങൾക്കെതിരായ ഇറാൻ ആക്രമണങ്ങളെ യുഎഇ ഉപപ്രധാനമന്ത്രിയും വിദേശകാര്യ മന്ത്രിയുമായ ഹിസ് ഹൈനസ് ഷെയ്ഖ് അബ്ദുല്ല ബിൻ സായിദ് അൽ നഹ്യാൻ ശക്തമായി അപലപിച്ചു.
ഇറാനിയൻ ആക്രമണത്തിൽ കുവൈറ്റിൽ ഒരു ഇന്ത്യാക്കാരൻ കൊല്ലപ്പെട്ടു
ഇറാനിയൻ ആക്രമണത്തിൽ ഒരു തൊഴിലാളി കൊല്ലപ്പെടുകയും വൈദ്യുതി, ജലശുദ്ധീകരണ പ്ലാന്റിലെ ഒരു സർവീസ് കെട്ടിടത്തിന് കേടുപാടുകൾ സംഭവിക്കുകയും ചെയ്തതായി കുവൈറ്റിലെ വൈദ്യുതി, ജല, പുനരുപയോഗ ഊർജ്ജ മന്ത്രാലയം ഞായറാഴ്ച അറിയിച്ചു.
വ്യാഴാഴ്ച യുഎഇ വ്യോമ പ്രതിരോധ സേന 15 ബാലിസ്റ്റിക് മിസൈലുകളും 11 ഡ്രോണുകളും തകർത്തു
ഇറാനിൽ നിന്നുള്ള മിസൈൽ, ഡ്രോൺ ആക്രമണങ്ങളെ പ്രതിരോധിക്കുന്നതായി യു എ ഇ പ്രതിരോധമന്ത്രാലയം അറിയിച്ചു. വെള്ളിയാഴ്ച പുലർച്ചെയും പൗരന്മാർക്ക് ജാഗ്രതാനിർദേശം നൽകിയിരുന്നു.
