മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റീവ്സ് ഫൗണ്ടേഷന്റെ നേട്ടങ്ങളെ പുകഴ്ത്തി ഷെയ്ഖ് മുഹമ്മദ്

122 രാജ്യങ്ങളിലായി 165 ദശലക്ഷത്തിലധികം ആളുകളെ  മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റീവ്സ് ഫൗണ്ടേഷൻ സഹായിക്കുന്നു

മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റീവ്സ് ഫൗണ്ടേഷന്റെ നേട്ടങ്ങളെ പുകഴ്ത്തി 
യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം. 122 രാജ്യങ്ങളിലായി 165 ദശലക്ഷത്തിലധികം ആളുകളെ  മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റീവ്സ് ഫൗണ്ടേഷൻ സഹായിക്കുന്നുണ്ടെന്ന് ഷെയ്ഖ് മുഹമ്മദ് പറഞ്ഞു. താൻ അധ്യക്ഷത വഹിച്ച ഫൗണ്ടേഷന്റെ ബോർഡ് ഓഫ് ട്രസ്റ്റീസ് മീറ്റിംഗിൽ വാർഷിക ബിസിനസ് റിപ്പോർട്ട് അംഗീകരിച്ചതായും അദ്ദേഹം  സോഷ്യൽ മീഡിയ പ്ലാറ്റ്‌ഫോമായ എക്‌സിൽ കുറിച്ചു. കഴിഞ്ഞ വർഷം ഫൗണ്ടേഷന്റെ ആകെ ചെലവ് 2.3 ബില്യൺ ദിർഹമിലെത്തിയെന്നും ഷെയ്ഖ് മുഹമ്മദ് ചൂണ്ടിക്കാട്ടി. ലോകത്തിന്റെ വിവിധ ഭാഗത്തുള്ള ജനങ്ങൾ അവരുടെ  പ്രതീക്ഷകൾക്കൊപ്പം ജീവിതങ്ങൾ കെട്ടിപ്പടുക്കാൻ യു എ ഇ തെരഞ്ഞെടുക്കുകയാണെന്നും ഷെയ്ഖ് മുഹമ്മദ് കൂട്ടിച്ചേർത്തു.