മരുന്നുകളുടെയും മെഡിക്കൽ സപ്ലൈകളുടെയും ശേഖരം സുരക്ഷിതം

രാജ്യത്ത് അവശ്യ മരുന്നുകളുടെയും മെഡിക്കൽ സപ്ലൈകളുടെയും ശേഖരം സുരക്ഷിതവും പ്രാദേശിക വിപണിയുടെ ആവശ്യങ്ങൾ നിറവേറ്റാൻ പര്യാപ്തവുമാണെന്ന് അധികൃതർ.

രാജ്യത്ത് അവശ്യ മരുന്നുകളുടെയും മെഡിക്കൽ സപ്ലൈകളുടെയും ശേഖരം സുരക്ഷിതവും പ്രാദേശിക വിപണിയുടെ ആവശ്യങ്ങൾ നിറവേറ്റാൻ പര്യാപ്തവുമാണെന്ന് അധികൃതർ. എല്ലാ അവശ്യ മരുന്നുകളുടെയും ലഭ്യത മതിയായ അളവിലും ദീർഘകാലത്തേക്കും ഉറപ്പാക്കാൻ യുഎഇ മികച്ച നയങ്ങളും തന്ത്രങ്ങളും സ്വീകരിച്ചിട്ടുണ്ടെന്ന് എമിറേറ്റ്സ് ഡ്രഗ് എസ്റ്റാബ്ലിഷ്‌മെന്റിന്റെ ഡയറക്ടർ ബോർഡ് ചെയർമാനുമായ സയീദ് ബിൻ മുബാറക് അൽ ഹജേരി പറഞ്ഞു.
 സംയോജിത സംവിധാനങ്ങൾ വഴി ഫാക്ടറികൾ, വെയർഹൗസുകൾ, സംഭരണ ​​സൗകര്യങ്ങൾ എന്നിവിടങ്ങളിലെ ഔഷധ നീക്കവും സ്റ്റോക്ക് ലെവലും ദൈനംദിന ഫീൽഡ് നിരീക്ഷണം നടത്തുകയും മേൽനോട്ടം വഹിക്കുകയും ചെയ്യുന്നു. ഇത് അവശ്യ മരുന്നുകളുടെ തടസ്സമില്ലാത്ത ലഭ്യത ഉറപ്പാക്കുകയും പ്രധാന ഉൽപ്പന്നങ്ങളുടെ ക്ഷാമം തടയുകയും ചെയ്യുന്നു. യുഎഇയിലെ ഫാർമസ്യൂട്ടിക്കൽ വിതരണ ശൃംഖലകൾ സാധാരണയായി പ്രവർത്തിക്കുന്നുണ്ടെന്ന് അവർ കൂട്ടിച്ചേർത്തു.