പാനീയത്തിലെ പഞ്ചസാരയുടെ അളവുമായി ബന്ധിപ്പിക്കുന്നതാണ് നികുതി .
മധുര പാനീയങ്ങൾക്കുള്ള എക്‌സൈസ് നികുതിയിൽ മാറ്റം വരുത്തി യു എ ഇ. പാനീയത്തിലെ പഞ്ചസാരയുടെ അളവുമായി ബന്ധിപ്പിക്കുന്നതാണ് നികുതി . ഓരോ 100 മില്ലിയിലും പഞ്ചസാരയുടെ അളവനുസരിച്ചായിരിക്കും നികുതി തീരുമാനിക്കുക. അതായത് അളവിൽ കൂടുതൽ പഞ്ചസാര അടങ്ങിയിട്ടുണ്ടെങ്കിൽ ഉല്പന്നത്തിന്റെ നികുതിയും കൂടുതലായിരിക്കും .ധനകാര്യ മന്ത്രാലയവും ഫെഡറൽ ടാക്സ് അതോറിറ്റിയും പുതുക്കിയ നികുതി സംവിധാനം പ്രഖ്യാപിച്ചു.
ആരോഗ്യകരമായ ജീവിതശൈലി പ്രോത്സാഹിപ്പിക്കുക , പഞ്ചസാര ഉപഭോഗം കുറയ്ക്കുക, ഉൽപ്പന്നങ്ങളിലെ പഞ്ചസാര കുറയ്ക്കാൻ നിർമ്മാതാക്കളെ പ്രോത്സാഹിപ്പിക്കുക തുടങ്ങിയ ലക്ഷ്യങ്ങളുടെ ഭാഗമാണ് നികുതി സംവിധാനം പുതുക്കിയത്. ആരോഗ്യ-പ്രതിരോധ മന്ത്രാലയവുമായി ഏകോപിപ്പിച്ചാണ് പുതിയ നികുതി സംവിധാനം വികസിപ്പിച്ചെടുത്തത്. പഞ്ചസാരയുടെ കൂടുതൽ ഉപയോഗത്തെകുറിച്ചു ബോധവൽക്കരണ കാമ്പെയ്‌നുകളും സംഘടിപ്പിക്കും. 2026 ന്റെ തുടക്കത്തിൽ ഈ മാറ്റം പ്രാബല്യത്തിൽ വരും.
ഫലസ്തീനിൽ ഇബ്രാഹിമി പള്ളിയുടെ നിയന്ത്രണം കൈമാറാൻ ഇസ്രായേൽ പദ്ധതി; അപലപിച്ച് യുഎഇ
ഇസ്രയേൽആക്രമണങ്ങൾ അന്താരാഷ്ട്ര നിയമങ്ങളുടെ ലംഘനമാണെന്ന് യുഎഇ
സർക്കാർ ജീവനക്കാരുടെ വിവാഹത്തിന് 10 പ്രവൃത്തി ദിവസത്തെ ശമ്പളത്തോടുകൂടിയഅവധി
വിദേശ ബാങ്കിന്റെ ശാഖയ്ക്ക് 600,000 ദിർഹം പിഴ
