പാം ജുമൈറയിലെ കെട്ടിടത്തിലുണ്ടായ തീപിടിത്തം നിയന്ത്രണവിധേയമാണെന്ന് ദുബായ്

നാല് പേർക്ക് പരിക്കേറ്റു, അവരെ മെഡിക്കൽ സൗകര്യങ്ങളിലേക്ക് മാറ്റി.

പാം ജുമൈറയിലെ കെട്ടിടത്തിലുണ്ടായ തീപിടിത്തം നിയന്ത്രണവിധേയമാണെന്ന് ദുബായ് അധികൃതർ സ്ഥിരീകരിച്ചു.
അടിയന്തര പ്രതികരണ സംഘങ്ങളെ ഉടൻ വിന്യസിച്ചതായും സ്ഥലം സുരക്ഷിതമാക്കിയതായും ദുബായ് മീഡിയ ഓഫീസ്  സോഷ്യൽ മീഡിയ പോസ്റ്റിൽ അറിയിച്ചു. തീ നിയന്ത്രണവിധേയമാക്കിയതായി ദുബായ് സിവിൽ ഡിഫൻസിൽ നിന്നുള്ള ടീമുകൾ സ്ഥിരീകരിച്ചു.
തീ പിടുത്തത്തിൽ നാല് പേർക്ക് പരിക്കേറ്റു, അവരെ മെഡിക്കൽ സൗകര്യങ്ങളിലേക്ക് മാറ്റി.
താമസക്കാരുടെയും സന്ദർശകരുടെയും സുരക്ഷയും ക്ഷേമവും ഏറ്റവും ഉയർന്ന മുൻ‌ഗണനയായി പരിഗണിക്കുന്നതായി ദുബായ് മീഡിയ ഓഫീസ് വ്യക്തമാക്കി. പൊതുജനങ്ങളെ സംരക്ഷിക്കുന്നതിന് ആവശ്യമായ എല്ലാ നടപടികളും അധികാരികൾ തുടർന്നും സ്വീകരിക്കുന്നു എന്നും 
പൊതുജനങ്ങൾ ശാന്തത പാലിക്കാനും ഔദ്യോഗിക ഉറവിടങ്ങളിൽ നിന്നുള്ള സ്ഥിരീകരിച്ച വിവരങ്ങളെ  മാത്രം ആശ്രയിക്കാനും സോഷ്യൽ മീഡിയയിൽ വീഡിയോകളോ ചിത്രങ്ങളോ പ്രചരിപ്പിക്കുന്നത് ഒഴിവാക്കാനും അഭ്യർത്ഥിച്ചിട്ടുണ്ട്.
കൂടുതൽ അപ്‌ഡേറ്റുകൾ ലഭ്യമാകുന്ന മുറയ്ക്ക് അവ നൽകുന്നതായിരിക്കുമെന്നും  അതോറിറ്റി കൂട്ടിച്ചേർത്തു.