ഖത്തറിലെ ഹെലികോപ്റ്റർ അപകടത്തിൽ അനുശോചനം രേഖപ്പെടുത്തി യുഎഇ

ഖത്തർ സമുദ്രാതിർത്തിയിൽ ഹെലികോപ്റ്റർ അപകടത്തിൽ ആറ് പേർ മരിച്ച സംഭവത്തിൽ ഖത്തറിനും തുർക്കിക്കും ഐക്യദാർഢ്യവും അഗാധമായ അനുശോചനവും യുഎഇ അറിയിച്ചു.

പതിവ് ദൗത്യത്തിനിടെയുണ്ടായ സാങ്കേതിക തകരാർ മൂലമാണ് ഹെലികോപ്റ്റർ അപകടം ഉണ്ടായത്.

സംഭവത്തിൽ ഒരു തുർക്കി സൈനികനും തുർക്കി പ്രതിരോധ കമ്പനിയായ അസെൽസാനിലെ രണ്ട് ഉദ്യോഗസ്ഥരും മരിച്ചതായി തുർക്കി പ്രതിരോധ മന്ത്രാലയം സ്ഥിരീകരിച്ചു.

ജീവൻ നഷ്ടപ്പെട്ട ഖത്തർ സായുധ സേനയുടെയും സംയുക്ത ഖത്തർ-തുർക്കി സേന അംഗങ്ങളുടെയും കുടുംബങ്ങൾക്കും, ഖത്തർ സർക്കാരിനും ജനങ്ങൾക്കും, തുർക്കി സർക്കാരിനും ജനങ്ങൾക്കും യുഎഇ വിദേശകാര്യ മന്ത്രാലയം അഗാധമായ അനുശോചനം അറിയിച്ചു.