ഈദ് പ്രാർത്ഥനകൾ പള്ളികളിൽ മാത്രമായി പരിമിതപ്പെടുത്തി

തുറന്ന പ്രാർത്ഥനാ സ്ഥലങ്ങളിലോ തുറസ്സായ സ്ഥലങ്ങളിലോ ഈദ് അൽ-ഫിത്തർ പ്രാർത്ഥനകൾ നടക്കില്ലെന്നും പൊതുജനങ്ങളുടെ സുരക്ഷ ഉറപ്പാക്കുന്നതിനായി രാജ്യത്തുടനീളമുള്ള പള്ളികളിൽ മാത്രമായി പരിമിതപ്പെടുത്തുമെന്നും യുഎഇയിലെ ഇസ്ലാമിക് അഫയേഴ്‌സ്, എൻഡോവ്‌മെന്റ് & സക്കാത്ത് ജനറൽ അതോറിറ്റി സ്ഥിരീകരിച്ചു.

ദുബായിലെ ഇസ്ലാമിക് അഫയേഴ്‌സ് ആൻഡ് ചാരിറ്റബിൾ ആക്ടിവിറ്റീസ് ഡിപ്പാർട്ട്‌മെന്റുമായും ഷാർജയിലെ ഇസ്ലാമിക് അഫയേഴ്‌സ് ഡിപ്പാർട്ട്‌മെന്റുമായും ഏകോപിപ്പിച്ചാണ് ഈ പ്രഖ്യാപനം. 
എല്ലാ വിശ്വാസികളും മാർഗ്ഗനിർദ്ദേശങ്ങൾ പാലിക്കണമെന്നും സുരക്ഷ ഉറപ്പാക്കാൻ പള്ളികളിൽ ഈദ് നമസ്‌കാരം നിർവഹിക്കാൻ നേരത്തെ എത്തിച്ചേരണമെന്നും അതോറിറ്റി ആവശ്യപ്പെട്ടു.