ഈദ് അൽ അദ്ഹയോടനുബന്ധിച്ചു 956 തടവുകാരെ മോചിപ്പിക്കും

യു എ ഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഉത്തരവിട്ടു

ഈദ് അൽ അദ്ഹയോടനുബന്ധിച്ചു 956 തടവുകാരെ മോചിപ്പിക്കാൻ യു എ ഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഉത്തരവിട്ടു. തടവുകാരുടെ ശിക്ഷ വിധികളുമായി ബന്ധപ്പെട്ടുള്ള സാമ്പത്തിക ബാധ്യതകൾ ഏറ്റെടുത്തു പരിഹരിക്കാനും തീരുമാനിച്ചു.

തടവുകാർക്ക് ഒരു പുതിയ തുടക്കം കുറിക്കാനുള്ള അവസരം നൽകുന്നതിനും അവരുടെ കുടുംബങ്ങൾ നേരിടുന്ന ബുദ്ധിമുട്ടുകൾ ലഘൂകരിക്കുന്നതിനും ,പ്രിയപ്പെട്ടവർക്ക് ആശ്വാസം നല്കുന്നതിനുമുള്ള യു എ ഇ പ്രസിഡന്റിന്റെ പ്രതിബദ്ധതയാണ് ഈ തീരുമാനത്തിലൂടെ പ്രതിഫലിക്കുന്നത്.