ഈദ് അൽ അദ; ദുബായ് മെട്രോ, ട്രാം, ബസുകൾ എന്നിവയുടെ സമയം പുതുക്കി

വാഹന പരിശോധന കേന്ദ്രങ്ങളും ആർ‌ടി‌എ ഉപഭോക്തൃ സേവന കേന്ദ്രങ്ങളും ജൂലൈ 19 മുതൽ 22 വരെ അടച്ചിരിക്കും

ഈദ് അൽ അദയോടനുബന്ധിച്ചു   ദുബായ് മെട്രോ, ട്രാം, ബസുകൾ എന്നിവയുടെ പുതുക്കിയ സമയം റോഡ് ഗതാഗത വകുപ്പ്  പ്രഖ്യാപിച്ചു. വാഹന പരിശോധന കേന്ദ്രങ്ങളും ആർ‌ടി‌എ ഉപഭോക്തൃ സേവന കേന്ദ്രങ്ങളും ജൂലൈ 19 മുതൽ 22 വരെ അടച്ചിരിക്കും.

പൊതു ഗതാഗതം ഉപയോഗിക്കുന്നതിനാൽ കോവിഡ് സുരക്ഷാ നടപടികൾ പാലിക്കണമെന്ന് ആർടിഎ ജീവനക്കാരോട് അഭ്യർത്ഥിച്ചു. മുന്നോട്ടുള്ള യാത്രകൾക്കായി  തിരക്കും കാലതാമസവും ഒഴിവാക്കാൻ നേരത്തെ സ്റ്റേഷനുകളിൽ എത്തിച്ചേരാനും  ആർ ടി എ  അഭ്യർത്ഥിച്ചിട്ടുണ്ട്.

ദുബായ് മെട്രോ ജൂലൈ 19 തിങ്കൾ മുതൽ വ്യാഴം വരെ രാവിലെ 5 മുതൽ  പുലർച്ചെ 1 വരെ പ്രവർത്തിക്കും.
ജൂലൈ 23 വെള്ളിയാഴ്ച  രാവിലെ 10 മുതൽ പുലർച്ചെ 1 വരെയും  ശനിയാഴ്ച  രാവിലെ 5 മുതൽ അർദ്ധരാത്രി വരെയും മെട്രോ സർവീസ് ഉണ്ടായിരിക്കും. 

ദുബായ് ട്രാം  ജൂലൈ 19 തിങ്കൾ  മുതൽ വ്യാഴം വരെ  രാവിലെ 6 മുതൽ 1 വരെയും  വെള്ളിയാഴ്ച   രാവിലെ 9 മുതൽ പുലർച്ചെ 1 വരെയുമാണ് സർവീസ്. ശനിയാഴ്ച രാവിലെ 6 മുതൽ അർദ്ധരാത്രി 12 വരെ ട്രാം സർവീസ് നടത്തും. 

 ഗോൾഡ് സൂക്ക് സ്റ്റേഷൻ ഉൾപ്പെടെയുള്ള പ്രധാന സ്റ്റേഷനുകളിലെ ബസുകൾ  പുലർച്ചെ 4.30 മുതൽ 12.30 വരെ സർവീസ് നടത്തും. അൽ ഗുബൈബ സ്റ്റേഷൻ പുലർച്ചെ 4.15 മുതൽ 1 വരെ പ്രവർത്തിക്കും. സത്വ സ്റ്റേഷൻ ഉൾപ്പെടെയുള്ള സബ് സ്റ്റേഷനുകൾ പുലർച്ചെ 4.30 മുതൽ രാത്രി 11 വരെയും റൂട്ട് C01ൽ   മുഴുവൻ സമയവും പ്രവർത്തിക്കും. അൽ ഖുസൈസ് സ്റ്റേഷൻ: പുലർച്ചെ 4.30 മുതൽ 12.04 വരെയും അൽ ഖൂസ്  ഇൻഡസ്ട്രിയൽ സ്റ്റേഷൻ രാവിലെ 5.05 മുതൽ രാത്രി 11.30 വരെയും സർവീസ് നടത്തും. 
ജെബൽ അലി സ്റ്റേഷൻ രാവിലെ 4.58 മുതൽ 12.15 വരെയും പ്രവർത്തിക്കും .
അൽ ഗുബൈബ പോലുള്ള ഉപ സ്റ്റേഷനുകൾ രാവിലെ 6.40 മുതൽ രാത്രി 10.20 വരെ സർവീസ് ഉണ്ടായിരിക്കും. 
യൂണിയൻ സ്ക്വയർ പുലർച്ചെ 4.25 മുതൽ 12.15 വരെയും  ഇത്തിസലാത്ത് മെട്രോ സ്റ്റേഷൻ രാവിലെ 6 മുതൽ രാത്രി 9 വരെയും സർവീസ് നടത്തും. ഹത്ത സ്റ്റേഷൻ  രാവിലെ 5.30 മുതൽ രാത്രി 9.30 വരെ സർവീസ് ഉണ്ടായിരിക്കും.