ജൂലൈ മുതൽ ഘട്ടം ഘട്ടമായുള്ള പദ്ധതിയിലൂടെ പുതിയ ടാക്സികൾ അവതരിപ്പിക്കും
ദുബായ് ടാക്സി കമ്പനി പി‌ജെ‌എസ്‌സി 600 പുതിയ കാറുകൾ തങ്ങളുടെ ഫ്ലീറ്റിൽ ചേർത്തു. പൊതുഗതാഗത സേവനങ്ങൾക്കായുള്ള വർദ്ധിച്ചുവരുന്ന ആവശ്യം നിറവേറ്റുന്നതിനായി റോഡ്‌സ് ആൻഡ് ട്രാൻസ്‌പോർട്ട് അതോറിറ്റി നടത്തിയ ഏറ്റവും പുതിയ ലേലത്തെത്തുടർന്നാണ് പുതിയ കാറുകൾ ഫ്ലീറ്റിൽ ചേർത്തത്.
ജൂലൈ മുതൽ ഘട്ടം ഘട്ടമായുള്ള പദ്ധതിയിലൂടെ പുതിയ ടാക്സികൾ അവതരിപ്പിക്കും. ഇതിലൂടെ ഡി‌ടി‌സിയുടെ ടാക്സി ഫ്ലീറ്റ് 6,217 ൽ നിന്ന് 6,817 വാഹനങ്ങളായി വളരുകയും വിപണി വിഹിതം 47 ശതമാനമായി വർദ്ധിപ്പിക്കുകയും ചെയ്യും.600 പുതിയ ടാക്സി പ്ലേറ്റുകൾ ഏറ്റെടുക്കുന്നത് ദുബായ് ടാക്സി കമ്പനിയെ സംബന്ധിച്ചടത്തോളം മികച്ച ചുവടുവയ്പ്പാണെന്ന് ദുബായ് ടാക്സി കമ്പനിയുടെ ഗ്രൂപ്പ് സിഇഒ മൻസൂർ റഹ്മ അൽഫാലാസി പറഞ്ഞു.
എമിറേറ്റിന്റെ നഗരവികസനത്തിനൊപ്പം ഗതാഗത സേവനങ്ങൾക്കായുള്ള ആവശ്യം വർദ്ധിക്കുമ്പോൾ, ഉപഭോക്താക്കളുടെ ആവശ്യം നിറവേറ്റുന്നതിനായി തങ്ങളുടെ പ്രവർത്തനങ്ങൾ സ്കെയിൽ ചെയ്യുന്നതിൽ ശ്രദ്ധ കേന്ദ്രീകരിക്കുകയാണെന്നും അദ്ദേഹം പറഞ്ഞു. ഇതിലൂടെ ദുബായ് സാമ്പത്തിക അജണ്ടയെ പിന്തുണയ്ക്കാനും സാധിക്കുമെന്ന് അദ്ദേഹം കൂട്ടിച്ചേർത്തു.
ഔദ്യോഗിക അധികാരം ദുരുപയോഗം ചെയ്തവർക്കെതിരെ നടപടി
യുഎൻ ജലസമ്മേളനത്തിൽ പങ്കെടുക്കാൻ ക്ഷണിച്ചു
വ്യാജ ഡിജിറ്റൽ കറൻസി ട്രേഡിംഗ് നടത്തിയ ആറ് അംഗ സംഘത്തെ ദുബായ് പോലീസ് അറസ്റ്റ് ചെയ്തു
സൗദി അറേബ്യയിലേക്കുള്ള കൂടുതൽ വിമാന സർവീസുകൾ ഫ്ലൈദുബായ് റദ്ദാക്കി
