മുഹമ്മദ് അലി എന്ന ഇന്ത്യക്കാരന് പണം അടങ്ങിയ കവർ ലഭിക്കുകയും ഉടൻ തന്നെ അൽ റഫ പോലീസ് സ്റ്റേഷനിലേക്ക് പോയി വിവരം അറിയിക്കുകയും ചെയ്തു.
അൽ റഫയ്ക്ക് സമീപമുള്ള പാർക്കിംഗ് സ്ഥലത്ത് നിന്ന് കളഞ്ഞു കിട്ടിയ 100,000 ദിർഹം പോലീസിന് കൈമാറിയ ഇന്ത്യക്കാരന് ദുബായ് പോലീസിന്റെ ആദരം . ഒരു സ്വകാര്യ കമ്പനി ഉടമ ബാങ്കിൽ നിന്ന് പിൻവലിച്ച തുകയാണ് അബദ്ധത്തിൽ നഷ്ടപ്പെട്ടത്. മുഹമ്മദ് അലി എന്ന ഇന്ത്യക്കാരന് പണം അടങ്ങിയ കവർ ലഭിക്കുകയും ഉടൻ തന്നെ അൽ റഫ പോലീസ് സ്റ്റേഷനിലേക്ക് പോയി വിവരം അറിയിക്കുകയും ചെയ്തു.
പോലീസ് അന്വേഷണം നടത്തി മൂന്ന് മണിക്കൂറിനുള്ളിൽ പണത്തിന്റെ ഉടമയെ തിരിച്ചറിയുകയും തിരികെ നൽകുകയും ചെയ്തു. പണം കളഞ്ഞു കിട്ടിയ താമസക്കാരനോടും ദുബായ് പോലീസിനോടും ഉടമ തന്റെ നന്ദി രേഖപ്പെടുത്തി. ദുബായ് എമിറേറ്റിലെ സുരക്ഷ നിലവാരത്തെ അദ്ദേഹം പ്രശംസിച്ചു.
അൽ റഫ പോലീസ് സ്റ്റേഷൻ ഡയറക്ടർ കേണൽ അഹമ്മദ് ഒബൈദ് ബിൻ ഹുദൈബ, ഡെപ്യൂട്ടി കേണൽ സാലിഹ് ഹസ്സൻ അൽ മർസൂഖി, അൽ റഫ പോലീസ് സ്റ്റേഷനിലെ കസ്റ്റമർ ഹാപ്പിനെസ് വിഭാഗം മേധാവി ക്യാപ്റ്റൻ അലി ഹാജി അൽ ബലൂഷി എന്നിവർ മുഹമ്മദ് അലി കാണിച്ച സത്യസന്ധതയെയും സമർപ്പണ മനോഭാവത്തെയും പ്രശംസിച്ചു.
ഈദ് അൽ അദ്ഹയിൽ തൊഴിലാളികൾക്കു ആദരം; 300,000 പേർ പങ്കെടുത്തു
കുവൈറ്റിനെ ലക്ഷ്യമിട്ട് ഡ്രോൺ ആക്രമണം; അപലപിച്ച് യുഎഇ
യാചകരെ പ്രോത്സാഹിപ്പിക്കരുതെന്ന് ദുബായ് പോലീസ്
1.54 ബില്യൺ ദിർഹത്തിന്റെ ഭവന ആനുകൂല്യ പാക്കേജിന് അംഗീകാരം നൽകി ഷെയ്ഖ് ഖാലിദ്
