വ്യാഴാഴ്ച 7 ബാലിസ്റ്റിക് മിസൈലുകളിൽ 6 എണ്ണം തകർത്തതായി യുഎഇ വ്യോമ പ്രതിരോധ മന്ത്രാലയം

രാജ്യത്തെ ലക്ഷ്യമിട്ടെത്തിയ 7 ബാലിസ്റ്റിക് മിസൈലുകളിൽ 6 എണ്ണം തകർത്തതായി യുഎഇ വ്യോമ പ്രതിരോധ മന്ത്രാലയം അറിയിച്ചു.

രാജ്യത്തെ ലക്ഷ്യമിട്ടെത്തിയ 7 ബാലിസ്റ്റിക് മിസൈലുകളിൽ 6 എണ്ണം തകർത്തതായി യുഎഇ വ്യോമ പ്രതിരോധ മന്ത്രാലയം അറിയിച്ചു. ഒരെണ്ണം രാജ്യത്തിന്റെ അതിർത്തിക്കുള്ളിൽ വീണു. 131 ഡ്രോണുകളിൽ 125 എണ്ണം തടഞ്ഞു, 6 എണ്ണം രാജ്യത്തിന്റെ അതിർത്തിക്കുള്ളിൽ വീണുവെന്നും പ്രതിരോധ മന്ത്രാലയം സ്ഥിരീകരിച്ചു. ഇറാനിയൻ ആക്രമണം ആരംഭിച്ചതിനുശേഷം196 ബാലിസ്റ്റിക് മിസൈലുകളെ നേരിട്ടുവെന്നും 181 എണ്ണം നശിപ്പിക്കപ്പെട്ടുവെന്നും അധികൃതർ പറഞ്ഞു.  13 എണ്ണം കടലിൽ വീണു, 2 എണ്ണം രാജ്യത്തിന്റെ അതിർത്തിക്കുള്ളിൽ വീണു. കൂടാതെ, 1,072 ഇറാനിയൻ ഡ്രോണുകൾ കണ്ടെത്തി, 1,001 എണ്ണം തടഞ്ഞു, 71 എണ്ണം രാജ്യത്തിന്റെ അതിർത്തിക്കുള്ളിൽ വീണു.
കൂടാതെ, 8 ക്രൂയിസ് മിസൈലുകൾ നിർവീര്യമാക്കി. ഇത് ചില നാശനഷ്ടങ്ങൾക്ക് കാരണമായി.
മരിച്ച 3 പേരിൽ പാകിസ്ഥാൻ, നേപ്പാൾ, ബംഗ്ലാദേശ് പൗരന്മാരാണ്. പരിക്കേറ്റ 94 പേരിൽ യുഎഇ, ഈജിപ്ത്, എത്യോപ്യ, ഫിലിപ്പീൻസ്, പാകിസ്ഥാൻ, ഇറാൻ, ഇന്ത്യ, ബംഗ്ലാദേശ്, ശ്രീലങ്ക, അസർബൈജാൻ, യെമൻ, ഉഗാണ്ട, എറിത്രിയ, ലെബനൻ, അഫ്ഗാനിസ്ഥാൻ, ബഹ്‌റൈൻ, തുർക്കി, കൊമോറോസ് എന്നീ രാജ്യങ്ങളിലെ പൗരന്മാരാണ്.