വെള്ളിയാഴ്ച രാത്രി വരെ യുഎഇയിൽ മഴ

വെള്ളിയാഴ്ച രാത്രി വരെ യുഎഇയിൽ മഴ പെയ്യുമെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു.

പടിഞ്ഞാറൻ മേഖലകളിൽ രൂപപ്പെട്ട ഒരു പ്രധാന കാലാവസ്ഥാ മേഖലയുടെ സ്വാധീനത്തിൽ വെള്ളിയാഴ്ച രാത്രി വരെ മഴ തുടരുമെന്നാണ് കാലാവസ്ഥ പ്രവചനം. ഇന്ന്  പുലർച്ചെ 1:00 നും 3:00 നും ഇടയിൽ അബുദാബിയിലേക്ക്  വ്യാപിച്ച മഴ തുടർന്ന് ദുബായിലും  വടക്കൻ തെക്കൻ പ്രദേശങ്ങളിലേക്കും വ്യാപിക്കും.  
തുടർന്ന് അൽ ഐൻ ഉൾപ്പെടെയുള്ള വടക്ക്, കിഴക്കൻ പ്രദേശങ്ങളിലേക്ക് മഴ വ്യാപിക്കുകയും കനത്ത മഴ തുടരുകയും ചെയ്യും.

ഇന്ന്  രാവിലെ 8:45 വരെ മഴയും സംവഹന മേഘ രൂപീകരണവും പ്രവചിച്ച് അതോറിറ്റി ഓറഞ്ച്, മഞ്ഞ അലേർട്ട് പുറപ്പെടുവിച്ചിട്ടുണ്ട്.