യുഎഇയുടെ മധ്യസ്ഥതയിൽ ഇരുരാജ്യങ്ങളും തമ്മിൽ കൈമാറ്റം ചെയ്യപ്പെട്ട തടവുകാരുടെ ആകെ എണ്ണം 7,997 ആയി
റഷ്യ, ഉക്രെയ്ൻ രാജ്യങ്ങളുമായി യു എ ഇ നടത്തിയ ഇരുപത്തിയാറാമത്തെ മധ്യസ്ഥശ്രമം വിജയകരം. മധ്യസ്ഥതയിലൂടെ ഇരുപക്ഷത്തുനിന്നും 103 തടവുകാരെ വീതം മോചിപ്പിച്ചെന്നും യുഎഇ അറിയിച്ചു.
ഇതോടെ യുഎഇയുടെ മധ്യസ്ഥതയിൽ ഇരുരാജ്യങ്ങളും തമ്മിൽ കൈമാറ്റം ചെയ്യപ്പെട്ട തടവുകാരുടെ ആകെ എണ്ണം 7,997 ആയി.
യു എ ഇ യെ വിശ്വസ്തനായ അന്താരാഷ്ട്ര മധ്യസ്ഥൻ എന്ന നിലയിൽ കണ്ട് സഹകരിക്കുന്നതിനും ഇരു രാജ്യങ്ങൾക്കുമിടയിലുള്ള പ്രതിസന്ധി പരിഹരിക്കാനുള്ള എല്ലാ ശ്രമങ്ങളെയും പിന്തുണയ്ക്കുന്നതിൽ
യു എ ഇ കാണിക്കുന്ന പ്രതിബദ്ധതയെ അംഗീകരിച്ചതിനും ഇരുരാജ്യങ്ങളെയും യു എ ഇ വിദേശകാര്യ മന്ത്രാലയം അഭിനന്ദിച്ചു.
ഉക്രെയ്നിലെ സംഘർഷത്തിന് സമാധാനപരമായ പരിഹാരം കാണുന്നതിനും, മാനുഷിക പ്രത്യാഘാതങ്ങൾ ലഘൂകരിക്കുന്നതിനുമുള്ള എല്ലാ ശ്രമങ്ങളും തുടരുമെന്നും മന്ത്രാലയം കൂട്ടിച്ചേർത്തു.
ഔദ്യോഗിക അധികാരം ദുരുപയോഗം ചെയ്തവർക്കെതിരെ നടപടി
യുഎൻ ജലസമ്മേളനത്തിൽ പങ്കെടുക്കാൻ ക്ഷണിച്ചു
വ്യാജ ഡിജിറ്റൽ കറൻസി ട്രേഡിംഗ് നടത്തിയ ആറ് അംഗ സംഘത്തെ ദുബായ് പോലീസ് അറസ്റ്റ് ചെയ്തു
സൗദി അറേബ്യയിലേക്കുള്ള കൂടുതൽ വിമാന സർവീസുകൾ ഫ്ലൈദുബായ് റദ്ദാക്കി
