14775 പേർ ആക്റ്റീവ് കേസുകളായി
യു എ യിൽ ഇന്ന് 207 കോവിഡ് കേസുകളാണ് റിപ്പോർട്ട് ചെയ്തത്. 211278 പരിശോധനകൾ നടത്തി. കോവിഡ് ബാധിച്ച് മരണങ്ങളൊന്നും ഇന്ന് റിപ്പോർട്ട് ചെയ്തിട്ടില്ല. 14775 പേർ ആക്റ്റീവ് കേസുകളായി രാജ്യത്തുണ്ടെന്നും പതിവ് വാർത്താക്കുറിപ്പിൽ ആരോഗ്യമന്ത്രാലയം അറിയിച്ചു.
ഖസർ അൽ ഹൊസ്‌നിൽ യുഎഇ പ്രസിഡന്റ് പതാക ഉയർത്തി
യു എ ഇ പതാക ദിന ആഘോഷങ്ങളുടെ ഭാഗമായി ചൊവ്വാഴ്ച അബുദാബിയിലെ ഖസർ അൽ ഹൊസ്‌നിൽ യുഎഇ പ്രസിഡന്റ് ഹിസ് ഹൈനസ് ശൈഖ് മുഹമ്മദ് ബിൻ സായിദ് അൽ നഹ്യാൻ യുഎഇ പതാക ഉയർത്തി. വിവിധ മേഖലകളിൽ നിന്നുള്ള 55 പ്രഗത്ഭ വ്യക്തികൾ അദ്ദേഹത്തോടൊപ്പം ചേർന്നു.
അംഗരാജ്യങ്ങളുമായി കൂടുതൽ ആഴത്തിലുള്ള സാമ്പത്തിക-വാണിജ്യ ഏകീകരണം ആവശ്യമാണെന്ന് യുഎഇ വിദേശ വ്യാപാര മന്ത്രി
ദ്രുതഗതിയിലുള്ള ഭൗമരാഷ്ട്രീയ മാറ്റങ്ങൾക്കിടയിൽ, OIC (ഓർഗനൈസേഷൻ ഓഫ് ഇസ്‌ലാമിക് കോഓപ്പറേഷൻ) അംഗരാജ്യങ്ങളുമായി കൂടുതൽ ആഴത്തിലുള്ള സാമ്പത്തിക-വാണിജ്യ ഏകീകരണം ആവശ്യമാണെന്ന് യുഎഇ വിദേശ വ്യാപാര മന്ത്രി ഡോ. താനി ബിൻ അഹമ്മദ് അൽ സെയൂദി പറഞ്ഞു.
17 രാജ്യങ്ങളിലായി 300,000-ത്തിലധികം ആളുകളെ സഹായിക്കുന്നതിനായി പദ്ധതി
കഠിനമായ കാലാവസ്ഥാ സാഹചര്യങ്ങളിൽ 17 രാജ്യങ്ങളിലായി 300,000-ത്തിലധികം ആളുകളെ സഹായിക്കുന്നതിനായി യുഎഇയിലെ എമിറേറ്റ്സ് റെഡ് ക്രസന്റ് 12.5 ദശലക്ഷം ദിർഹം മൂല്യമുള്ള ശൈത്യകാല സഹായ പദ്ധതിക്ക് തുടക്കമിട്ടു.
സുരക്ഷിതവും ഒത്തൊരുമയുള്ളതുമായ സമൂഹം കെട്ടിപ്പടുക്കുന്നതിനായി എമറാത്ത് അൽ അമാൻ
ദുബായിൽ എമറാത്ത് അൽ അമാന്റെ ഏഴാം പതിപ്പിന് തുടക്കമായി. സമൂഹത്തിൽ അവബോധം വളർത്തുന്നതിനും സുരക്ഷാ സംസ്കാരം ശക്തിപ്പെടുത്തുന്നതിനുമായി ആവിഷ്കരിച്ച പദ്ധതിയാണിത്. ഇത്തവണ കുടുംബങ്ങളെ ഒരു പ്രത്യേക വിഭാഗമായി ഉൾപ്പെടുത്തിയിട്ടുണ്ട്.
