രാജ്യത്തെ വാക്‌സിൻ വിതരണം ഒരു കോടി 46 ലക്ഷം കവിഞ്ഞതായി ആരോഗ്യ പ്രതിരോധ മന്ത്രാലയം അറിയിച്ചു
യു എ ഇ യിൽ കഴിഞ്ഞ 24 മണിക്കൂറിനിടെ 58,479 ഡോസ് കോവിഡ് വാക്‌സിൻ വിതരണം ചെയ്തു. ഇതോടെ രാജ്യത്തെ വാക്‌സിൻ വിതരണം ഒരു കോടി 46 ലക്ഷം കവിഞ്ഞതായി ആരോഗ്യ പ്രതിരോധ മന്ത്രാലയം അറിയിച്ചു. 100 പേർക്ക് 105.82 ഡോസാണ് വിതരണ നിരക്ക്. സമൂഹത്തിലെ എല്ലാ അംഗങ്ങൾക്കും വാക്‌സിൻ നൽകാനും സാമൂഹിക പ്രതിരോധ ശേഷി വർധിപ്പിക്കാനുമുള്ള മന്ത്രാലയത്തിന്റെ പദ്ധതിക്ക്യനുസൃതമായാണ് വാക്‌സിനേഷൻ ഡ്രൈവ്.
ഖസർ അൽ ഹൊസ്‌നിൽ യുഎഇ പ്രസിഡന്റ് പതാക ഉയർത്തി
യു എ ഇ പതാക ദിന ആഘോഷങ്ങളുടെ ഭാഗമായി ചൊവ്വാഴ്ച അബുദാബിയിലെ ഖസർ അൽ ഹൊസ്‌നിൽ യുഎഇ പ്രസിഡന്റ് ഹിസ് ഹൈനസ് ശൈഖ് മുഹമ്മദ് ബിൻ സായിദ് അൽ നഹ്യാൻ യുഎഇ പതാക ഉയർത്തി. വിവിധ മേഖലകളിൽ നിന്നുള്ള 55 പ്രഗത്ഭ വ്യക്തികൾ അദ്ദേഹത്തോടൊപ്പം ചേർന്നു.
അംഗരാജ്യങ്ങളുമായി കൂടുതൽ ആഴത്തിലുള്ള സാമ്പത്തിക-വാണിജ്യ ഏകീകരണം ആവശ്യമാണെന്ന് യുഎഇ വിദേശ വ്യാപാര മന്ത്രി
ദ്രുതഗതിയിലുള്ള ഭൗമരാഷ്ട്രീയ മാറ്റങ്ങൾക്കിടയിൽ, OIC (ഓർഗനൈസേഷൻ ഓഫ് ഇസ്‌ലാമിക് കോഓപ്പറേഷൻ) അംഗരാജ്യങ്ങളുമായി കൂടുതൽ ആഴത്തിലുള്ള സാമ്പത്തിക-വാണിജ്യ ഏകീകരണം ആവശ്യമാണെന്ന് യുഎഇ വിദേശ വ്യാപാര മന്ത്രി ഡോ. താനി ബിൻ അഹമ്മദ് അൽ സെയൂദി പറഞ്ഞു.
17 രാജ്യങ്ങളിലായി 300,000-ത്തിലധികം ആളുകളെ സഹായിക്കുന്നതിനായി പദ്ധതി
കഠിനമായ കാലാവസ്ഥാ സാഹചര്യങ്ങളിൽ 17 രാജ്യങ്ങളിലായി 300,000-ത്തിലധികം ആളുകളെ സഹായിക്കുന്നതിനായി യുഎഇയിലെ എമിറേറ്റ്സ് റെഡ് ക്രസന്റ് 12.5 ദശലക്ഷം ദിർഹം മൂല്യമുള്ള ശൈത്യകാല സഹായ പദ്ധതിക്ക് തുടക്കമിട്ടു.
സുരക്ഷിതവും ഒത്തൊരുമയുള്ളതുമായ സമൂഹം കെട്ടിപ്പടുക്കുന്നതിനായി എമറാത്ത് അൽ അമാൻ
ദുബായിൽ എമറാത്ത് അൽ അമാന്റെ ഏഴാം പതിപ്പിന് തുടക്കമായി. സമൂഹത്തിൽ അവബോധം വളർത്തുന്നതിനും സുരക്ഷാ സംസ്കാരം ശക്തിപ്പെടുത്തുന്നതിനുമായി ആവിഷ്കരിച്ച പദ്ധതിയാണിത്. ഇത്തവണ കുടുംബങ്ങളെ ഒരു പ്രത്യേക വിഭാഗമായി ഉൾപ്പെടുത്തിയിട്ടുണ്ട്.
