ഇന്ന് കോവിഡ് മരണം റിപ്പോർട്ട് ചെയ്തിട്ടില്ല
യു എ ഇ യിൽ ഇന്ന് 338 കോവിഡ് കേസുകൾ സ്ഥിരീകരിച്ചു. കഴിഞ്ഞ 24 മണിക്കൂറിനിടെ 2,51,465 ടെസ്റ്റുകളാണ് നടത്തിയത്. 899 പേർ രോഗമുക്തി നേടി. ഇന്ന് കോവിഡ് മരണം റിപ്പോർട്ട് ചെയ്തിട്ടില്ല. രോഗം ബാധിച്ചു ഇത് വരെ 2,302 പേരാണ് മരണപ്പെട്ടത്. രാജ്യത്ത് 26,649 സജീവ കേസുകളാണുള്ളത്.
ഖസർ അൽ ഹൊസ്‌നിൽ യുഎഇ പ്രസിഡന്റ് പതാക ഉയർത്തി
യു എ ഇ പതാക ദിന ആഘോഷങ്ങളുടെ ഭാഗമായി ചൊവ്വാഴ്ച അബുദാബിയിലെ ഖസർ അൽ ഹൊസ്‌നിൽ യുഎഇ പ്രസിഡന്റ് ഹിസ് ഹൈനസ് ശൈഖ് മുഹമ്മദ് ബിൻ സായിദ് അൽ നഹ്യാൻ യുഎഇ പതാക ഉയർത്തി. വിവിധ മേഖലകളിൽ നിന്നുള്ള 55 പ്രഗത്ഭ വ്യക്തികൾ അദ്ദേഹത്തോടൊപ്പം ചേർന്നു.
അംഗരാജ്യങ്ങളുമായി കൂടുതൽ ആഴത്തിലുള്ള സാമ്പത്തിക-വാണിജ്യ ഏകീകരണം ആവശ്യമാണെന്ന് യുഎഇ വിദേശ വ്യാപാര മന്ത്രി
ദ്രുതഗതിയിലുള്ള ഭൗമരാഷ്ട്രീയ മാറ്റങ്ങൾക്കിടയിൽ, OIC (ഓർഗനൈസേഷൻ ഓഫ് ഇസ്‌ലാമിക് കോഓപ്പറേഷൻ) അംഗരാജ്യങ്ങളുമായി കൂടുതൽ ആഴത്തിലുള്ള സാമ്പത്തിക-വാണിജ്യ ഏകീകരണം ആവശ്യമാണെന്ന് യുഎഇ വിദേശ വ്യാപാര മന്ത്രി ഡോ. താനി ബിൻ അഹമ്മദ് അൽ സെയൂദി പറഞ്ഞു.
17 രാജ്യങ്ങളിലായി 300,000-ത്തിലധികം ആളുകളെ സഹായിക്കുന്നതിനായി പദ്ധതി
കഠിനമായ കാലാവസ്ഥാ സാഹചര്യങ്ങളിൽ 17 രാജ്യങ്ങളിലായി 300,000-ത്തിലധികം ആളുകളെ സഹായിക്കുന്നതിനായി യുഎഇയിലെ എമിറേറ്റ്സ് റെഡ് ക്രസന്റ് 12.5 ദശലക്ഷം ദിർഹം മൂല്യമുള്ള ശൈത്യകാല സഹായ പദ്ധതിക്ക് തുടക്കമിട്ടു.
സുരക്ഷിതവും ഒത്തൊരുമയുള്ളതുമായ സമൂഹം കെട്ടിപ്പടുക്കുന്നതിനായി എമറാത്ത് അൽ അമാൻ
ദുബായിൽ എമറാത്ത് അൽ അമാന്റെ ഏഴാം പതിപ്പിന് തുടക്കമായി. സമൂഹത്തിൽ അവബോധം വളർത്തുന്നതിനും സുരക്ഷാ സംസ്കാരം ശക്തിപ്പെടുത്തുന്നതിനുമായി ആവിഷ്കരിച്ച പദ്ധതിയാണിത്. ഇത്തവണ കുടുംബങ്ങളെ ഒരു പ്രത്യേക വിഭാഗമായി ഉൾപ്പെടുത്തിയിട്ടുണ്ട്.
