കഴിഞ്ഞ ആറ് മാസത്തിനിടെ അയ്യായിരത്തിലധികം പേർക്കാണ് പിഴ ചുമത്തിയത്
അബുദാബിയിൽ വാഹന നമ്പർ പ്ലേറ്റുകൾ കാണാൻ സാധിക്കാത്ത വിധത്തിലാണെങ്കിൽ പിഴ ചുമത്തുമെന്ന കാര്യം ഓർമിപ്പിച്ചു പോലീസ്. നമ്പർ പ്ലേറ്റുകൾ വ്യക്തവും എളുപ്പത്തിൽ കാണാവുന്നതുമാണെന്ന് ഉറപ്പുവരുത്തണമെന്ന് അബുദാബി പോലീസ് ഓർമിപ്പിച്ചു. നമ്പർ പ്ലേറ്റുകൾ കാണാൻ സാധിച്ചില്ലെങ്കിൽ 400 ദിർഹമാണ് പിഴ ഈടാക്കുക. കഴിഞ്ഞ ആറ് മാസത്തിനിടെ അയ്യായിരത്തിലധികം പേർക്കാണ് പിഴ ചുമത്തിയത്.
ഖസർ അൽ ഹൊസ്‌നിൽ യുഎഇ പ്രസിഡന്റ് പതാക ഉയർത്തി
യു എ ഇ പതാക ദിന ആഘോഷങ്ങളുടെ ഭാഗമായി ചൊവ്വാഴ്ച അബുദാബിയിലെ ഖസർ അൽ ഹൊസ്‌നിൽ യുഎഇ പ്രസിഡന്റ് ഹിസ് ഹൈനസ് ശൈഖ് മുഹമ്മദ് ബിൻ സായിദ് അൽ നഹ്യാൻ യുഎഇ പതാക ഉയർത്തി. വിവിധ മേഖലകളിൽ നിന്നുള്ള 55 പ്രഗത്ഭ വ്യക്തികൾ അദ്ദേഹത്തോടൊപ്പം ചേർന്നു.
അംഗരാജ്യങ്ങളുമായി കൂടുതൽ ആഴത്തിലുള്ള സാമ്പത്തിക-വാണിജ്യ ഏകീകരണം ആവശ്യമാണെന്ന് യുഎഇ വിദേശ വ്യാപാര മന്ത്രി
ദ്രുതഗതിയിലുള്ള ഭൗമരാഷ്ട്രീയ മാറ്റങ്ങൾക്കിടയിൽ, OIC (ഓർഗനൈസേഷൻ ഓഫ് ഇസ്‌ലാമിക് കോഓപ്പറേഷൻ) അംഗരാജ്യങ്ങളുമായി കൂടുതൽ ആഴത്തിലുള്ള സാമ്പത്തിക-വാണിജ്യ ഏകീകരണം ആവശ്യമാണെന്ന് യുഎഇ വിദേശ വ്യാപാര മന്ത്രി ഡോ. താനി ബിൻ അഹമ്മദ് അൽ സെയൂദി പറഞ്ഞു.
17 രാജ്യങ്ങളിലായി 300,000-ത്തിലധികം ആളുകളെ സഹായിക്കുന്നതിനായി പദ്ധതി
കഠിനമായ കാലാവസ്ഥാ സാഹചര്യങ്ങളിൽ 17 രാജ്യങ്ങളിലായി 300,000-ത്തിലധികം ആളുകളെ സഹായിക്കുന്നതിനായി യുഎഇയിലെ എമിറേറ്റ്സ് റെഡ് ക്രസന്റ് 12.5 ദശലക്ഷം ദിർഹം മൂല്യമുള്ള ശൈത്യകാല സഹായ പദ്ധതിക്ക് തുടക്കമിട്ടു.
സുരക്ഷിതവും ഒത്തൊരുമയുള്ളതുമായ സമൂഹം കെട്ടിപ്പടുക്കുന്നതിനായി എമറാത്ത് അൽ അമാൻ
ദുബായിൽ എമറാത്ത് അൽ അമാന്റെ ഏഴാം പതിപ്പിന് തുടക്കമായി. സമൂഹത്തിൽ അവബോധം വളർത്തുന്നതിനും സുരക്ഷാ സംസ്കാരം ശക്തിപ്പെടുത്തുന്നതിനുമായി ആവിഷ്കരിച്ച പദ്ധതിയാണിത്. ഇത്തവണ കുടുംബങ്ങളെ ഒരു പ്രത്യേക വിഭാഗമായി ഉൾപ്പെടുത്തിയിട്ടുണ്ട്.
