യുഎഇ വ്യോമ പ്രതിരോധ സേന നിലവിൽ രാജ്യത്തെ ലക്ഷ്യമാക്കിയുള്ള മിസൈൽ, ഡ്രോൺ ഭീഷണികൾക്കെതിരെ പ്രതികരിക്കുന്നതിനെ തുടർന്നാണ് അലെർട് മെസ്സേജ് അയക്കുന്നതെന്ന് പ്രതിരോധ മന്ത്രാലയവും നാഷണൽ എമർജൻസി ക്രൈസിസ് ആൻഡ് ഡിസാസ്റ്റർ മാനേജ്മെന്റ് അതോറിറ്റിയും (NCEMA) വ്യക്തമാക്കി.
രാവിലെ 8.32 ഓടെ പുറപ്പെടുവിച്ച മുന്നറിയിപ്പുകൾ, പൊതുജനങ്ങൾ സുരക്ഷിതമായ സ്ഥലത്ത് തുടരാനും മുന്നറിയിപ്പുകൾക്കും അപ്ഡേറ്റുകൾക്കുമായി ഔദ്യോഗിക ചാനലുകൾ പിന്തുടരാനും അഭ്യർത്ഥിച്ചു.
യുഎഇയിൽ മഴയ്ക്ക് സാധ്യത
രാജ്യത്ത് വ്യാഴാഴ്ച വരെ പല ഭാഗങ്ങളിലും മൂടിക്കെട്ടിയ ആകാശവും വ്യത്യസ്ത തീവ്രതയിലുള്ള മഴയും ഉണ്ടാകുമെന്ന് യുഎഇ കാലാവസ്ഥാ ബ്യൂറോ പ്രവചിച്ചു.
ഇറാഖിലെ യുഎഇ കോൺസുലേറ്റ് ലക്ഷ്യമിട്ടുള്ള ഇറാൻ ആക്രമണത്തെ സൗദി അറേബ്യയും ജോർദാനും അപലപിച്ചു.
ഇറാഖിലെ കുർദിസ്ഥാൻ മേഖലയിലെ യുഎഇ കോൺസുലേറ്റ് ജനറലിനെ ലക്ഷ്യമിട്ടുള്ള ഇറാൻ ആക്രമണത്തെ സൗദി അറേബ്യയും ജോർദാനും ശക്തമായി അപലപിച്ചു.
തിങ്കളാഴ്ച തടഞ്ഞത് 12 ബാലിസ്റ്റിക് മിസൈലുകളും 17 ഡ്രോണുകളും
പ്രതിരോധ മന്ത്രാലയം പുറത്തുവിട്ട കണക്കുകൾ പ്രകാരം തിങ്കളാഴ്ച യുഎഇ വ്യോമ പ്രതിരോധ സംവിധാനങ്ങൾ 12 ബാലിസ്റ്റിക് മിസൈലുകളും 17 ഡ്രോണുകളും തടഞ്ഞു.
സ്വകാര്യ മേഖലയിലെ തൊഴിൽ തർക്കങ്ങളുടെ 98.6 ശതമാനം വിജയകരമായി പരിഹരിച്ചുവെന്ന് മാനവശേഷി മന്ത്രാലയം
2025-ൽ സ്വകാര്യ മേഖലയിലെ തൊഴിൽ തർക്കങ്ങളുടെ 98.6 ശതമാനം വിജയകരമായി പരിഹരിച്ചതായി U A E മാനവ വിഭവശേഷി, സ്വദേശിവൽക്കരണ മന്ത്രാലയം (MoHRE) പ്രസ്താവനയിൽ അറിയിച്ചു.
