അബുദാബി വിമാനത്താവളത്തിൽ നിന്നുള്ള യാത്രാ വിമാനങ്ങൾ പരിമിതമായ നിലയിൽ സർവീസ് പുനരാരംഭിച്ചു.

പ്രാദേശിക സംഭവവികാസങ്ങൾ കാരണം തടസ്സപ്പെട്ട അബുദാബി സായിദ് അന്താരാഷ്ട്ര വിമാനത്താവളത്തിൽ നിന്നുള്ള യാത്രാ വിമാനങ്ങൾ പരിമിതമായ നിലയിൽ സർവീസ് പുനരാരംഭിക്കുന്നതായി അധികൃതർ പ്രഖ്യാപിച്ചു.

അബുദാബി എമെർജൻസി ക്രൈസിസ് ദുരന്തനിവാരണ കേന്ദ്രവുമായി (ADCMC) നേരിട്ടുള്ള ഏകോപനത്തിന് ശേഷമാണ് ഈ പ്രഖ്യാപനം. 

വിമാന സർവീസ് തടസ്സങ്ങൾ കാരണം എമിറേറ്റിൽ താമസം നീട്ടേണ്ടി വന്ന യാത്രക്കാർക്കുള്ള എല്ലാ അധിക താമസ ചെലവുകളും അബുദാബി സാംസ്കാരിക, ടൂറിസം വഹിച്ചതായും കഴിഞ്ഞ ഏതാനും ദിവസങ്ങളിലായി 74 ഹോട്ടലുകളിലെ  4,300-ലധികം ഹോട്ടൽ മുറികളിലായി ഏകദേശം 7,000 യാത്രക്കാരെ സൗജന്യമായി താമസിപ്പിച്ചിരുന്നതായും അധികൃതർ പറഞ്ഞു. 
 ഷട്ടിൽ സേവനങ്ങൾ, ലഘുഭക്ഷണങ്ങൾ, ഹോസ്പിറ്റാലിറ്റി, മെഡിക്കൽ കെയർ, റീട്ടെയിൽ വൗച്ചറുകൾ എന്നിവയുൾപ്പെടെ ഇവർക്ക് ലഭ്യമാക്കിയതായും ബന്ധപ്പെട്ട അധികാരികൾ അറിയിച്ചു. 
വിമാനക്കമ്പനികളിൽ എപ്പോൾ എത്തണമെന്ന് പ്രത്യേക മാർഗ്ഗനിർദ്ദേശം ലഭിച്ചതിനുശേഷം മാത്രമേ വിമാനത്താവളത്തിലേക്ക് യാത്ര ചെയ്യാൻ പാടുള്ളൂവെന്ന് അതോറിറ്റി യാത്രക്കാരോട് അഭ്യർത്ഥിച്ചു. .